《爱回家之开心速递》

喺4月遭受离巢“三连击”

继“红杉鱼”苏韵姿离巢后

近日又有重要角色嘅艺人

传出将会离巢

首先“接龙IT部”再走一人

饰演“CPU”嘅谭坤伦

喺社交平台宣布离巢

同剧中情侣gigi

难离难舍说再见

而上周

《爱回家》宣传活动中

“细龙总”郑世豪缺席

佢嘅“家姐”龙家大小姐林淑敏

亦亲证郑世豪已约满

其实喺月初

郑世豪就被报道即将约满

并且冇续约嘅打算

佢本人亦冇否认

现在官网下架佢嘅艺人资料

正式宣告郑世豪会离巢

对此

林淑敏就表示尊重佢嘅选择

而且对郑世豪嘅歌喉好有信心

建议佢试下发展歌唱事业

同佢好多对手戏嘅

“送水辉”许家杰

就好唔舍得“细龙生”

不过佢都係力撑郑世豪

去外面闯闯、向歌坛发展

/////

大家可能唔记得

郑世豪曾参加

TVB全球华人新秀歌唱比赛

后来先加入无线艺员训练班

出道做艺人

啱入行时就喺《皆大欢喜》

呢部剧中饰演咗23个角色

一直以来

佢演嘅角色都不愠不火嘅

直到饰演《爱回家》嘅“细龙生”

才有被人记得嘅入屋角色

郑世豪一直都在演戏

其实佢冇放弃唱歌

近年参加过《星梦传奇》

仲一举夺得比赛亚军

出咗一个专辑《仍坚持》

佢曾透露“细龙生”呢个角色

为自己提供咗收入保障

从而有机会追逐歌手梦

但依家被证实要离巢

大家就推测係薪资冇倾掂

或者外面有更吸引嘅机会

//////

喺《爱回家》中

郑世豪作为”二太“嗰仔

对妈妈言听计从

为咗争家产用尽衰桥

仲闹出不少笑话

而在戏外

郑世豪亦係个孝顺仔

对饰演“二太”嘅苏恩磁

平日里照顾有加

郑世豪嘅妈妈住院

苏恩磁亦会陪郑世豪

接妈妈出院

两人friend到好似家人一样

去年

郑世豪嘅妈妈离世

佢接受采访时痛哭说

好后悔工作太忙

冇多啲陪妈妈和屋企人

//////

其实

《爱回家之开心速递》呢套剧

唔单讲述咗两个家族嘅故事

连剧组演员都好似一家人咁

所以让观众觉得好温馨

随着“龙家”“熊家”两位细佬妹

苏韵姿、郑世豪嘅出走

网友调侃《爱回家》

可以改名《爱离家》

不过大家最关心嘅

仲係剧情会点样走落去

为咗龙家可以继续争家产

“三太”嗰仔Joe即将回归

而“风少”似乎要反大小姐

根据此前剧情

Joe一直在外国留学

虽然成日出现喺“三太”口中

但就未真正蒲头过嘅

有传言话Joe将会由

TVB力捧小生丁子朗出演

另外，仲有新人会加入剧组

例如前港姐冠军林钰洧

加盟“接龙初恋Cafe”做侍应

今届落选“港姐”郭珮文

早前现身饰演潮伟秘书Rose

重现《新闻女王》拉链一幕

似乎要掀起“最强body”之争

anyway

正如“送水辉”（许家杰饰）讲嘅

有人进进出出

先至有新鲜感

等我哋期待一下

《爱回家》嘅新剧情啦

来源：可乐生活Color微信公众号

编辑：张子殷

审核：曾敏妍

签发：骆苹