借情人节呢个节点

“大只佬”郭子豪

向港姐邓卓殷甜蜜求婚

呢次求婚嘅细节都几浪漫嘅

仪式安排喺豪华游艇上

之前两人一齐画嘅一幅画

原来留下咗暗示

求婚现场排场都几大

子豪唔单止准备咗“鸽子蛋”戒指

仲静静鸡安排咗

邓卓殷嘅屋企人、朋友

上船来一齐见证

对于咁样嘅安排

邓卓殷直呼“冇谂到”

真係又惊喜又感动

//////

郭子豪、邓卓殷

两人都係TVB艺人

参演过一啲剧集

观众对佢哋都有啲印象

但就仲未有好入屋嘅角色

邓卓殷被称为“嫩版张曼玉”

佢参加2018年香港小姐比赛出道

当时佢一举夺得亚军同

“最上镜小姐”两个奖项

喺问答环节

巧妙咁将农夫嘅提问表述

改名为“播种的机”

成为呢次比赛嘅名场面之一

之后佢参演咗

《十八年后的终极告白2.0》

饰演中学生沈晓彤

戏份不多但让观众记住咗佢

而对郭子豪

大家更为熟悉嘅身份

应该係模特+健身教练

健硕身材去到边都相当显眼

亦因为身材健硕

佢喺TVB剧集中嘅角色

经常都係带“筋肉人”特质

下下用47寸大肌肉示人

演技不多，仲略带浮夸

被网友称为“加强版丁子朗”

《把关者们》嘅高伟星

《隐形战队》中嘅周大力

提到剧名同角色

你係唔係都有啲印象呢？

//////

虽然事业上平平淡淡

但郭子豪嘅感情生活

就够嗮精彩

仲把感情发展成“事业”

佢同邓卓殷

係2019年开始

被发现“喺埋一齐”嘅

当时郭子豪仲有圈外女友

被人怀疑佢“偷食”

后来佢就力证清白

称自己早就分手了

两人到咗2020年

终于大方公开恋情

光明正大咁拍拖

自从拖咗手仔

佢哋就开始“打包营业”

成日高调放闪

之后更组成“豆子情侣”

做埋情侣kol

喺网上分享甜蜜生活

猛男配奀妹嘅组合

都吸引咗几多网友关注嘅

佢哋时不时就会喺视频中

向大家展示夸张“身高差”

时不时会恶搞对方

两人sweet得嚟都几有默契

//////

早前佢哋仲参加咗

恋爱综艺《炙爱之战》

节目会24小时跟拍

仲要挑战一个又一个比赛

喺节目开始之前

两人要先参加体能测试

有健身基础嘅两人

非常顺利地通过测试了

当时二人穿着婚纱、礼服

为节目做宣传

大家仲以为佢哋要拉埋天窗

订婚喜讯迟来但到

求完婚、好事将近啦

祝福佢哋百年好合

一直甜蜜下去~

来源：可乐生活Color微信公众号

编辑：张子殷

审核：曾敏妍

签发：骆苹