清谈综艺《Mayanne小喇叭》

上周末就圆满收官啦

虽然得短短12期

好多观众都撑佢开第二季啵

话说呢个节目係会邀请

一啲热播剧嘅主创、大热嘅港星

甚至係网友关注嘅KOL上去

倾啲大家唔知嘅“幕后故事”

因为气氛欢乐

大家又听到啲“小秘密”

节目热度都真係几高

其中大家印象深刻嘅几期就有

《婚后事》一班主角上去

开心唱谈拍戏趣事

我哋个friend黎诺懿

更加现场还原“露pat”浴室戏

放送埋开拍之前嘅

“诡异”chok泡泡动作

引发全场爆笑

而林峯&吴卓羲呢对孖宝

一上到节目就互揭超私人秘密

对方边度有胎记

脚毛有几长都见晒光

两人仲再次讲起

《大唐双龙传》嘅“股惑”镜头

听到拍摄时嘅艰辛过程

真係又可怜又可笑啰

有次节目搵咗啲专业coser、

AV女优上去倾计

令大家了解到

呢啲特殊职业背后嘅艰辛

佢哋分享嘅经历

让大家体会到

职业其实无分贵贱

主持人Mayanne麦美恩

喺节目中除咗会引导大家

放低包袱答问题之外

又会化身“试玩员”

隔住屏幕帮大家“还原剧情”

例如“骑”上黎诺懿大髀

模拟当时拍浴缸戏嘅姿势

身体力行感受动作可能性

为咗展示吴卓羲pat pat嘅胎记

又直接摸落曾展望身体

毫不在意“男女授受不亲”

Mayanne仲中意大声笑

叽叽喳喳唔停嘴

感觉好似“小S”徐熙娣咁

不过

因为佢性格好得人中意

玩得嗨但唔会过火

所以口碑都几好

大家亦中意同佢玩

//////////

Mayanne其实係港姐出身嘅

入行之后主攻主持

好多大型嘅晚会都有佢份噶

近几年佢都参演唔少电视剧

《黄金万两》《爱上我的衰神》等

喺里面饰演嘅角色

都几有观众缘噶

两年前佢最出圈嘅“表演”

就係喺谭俊彦攞“视帝”嘅时候

大嗌咗一声话对方“靠爸爸”

呢个公开嘅秘密

被佢搞笑官宣之后

都有人觉得佢胆大包天、

不识时务噶

但当事人谭俊彦就话

两人係friend，唔会介意呢啲

开玩笑娱乐大家、开心就好

大大方方咁事情就过去啦

//////////

虽然Mayanne焫过人火头

又经常对男星有“过火”举动

为人大癫大肺又吧咋吵闹

但口碑一直几好

几乎冇绯闻

佢就话係因为

自己一直男仔头性格

又唔係“发电机”体质

所以可以同大家埋堆玩得好好啰

佢讲到“发电机”

就不由得令人想起

被圈子公认“人肉发电机”嘅某人

唔知某人改改啲性格同作风

观众缘会唔会变翻好啲啲咧

靓SHOW开售

吴若希巡演【顺德站】

2024“IN.POSSIBLE”

吴若希巡回音乐会-顺德站

5月18日登陆

顺德演艺中心大剧院

更多新的元素

&新的嘉宾阵容加入

俾你全新视听体验哦

快来“可乐生活”官方抖音号

抢飞啦

艾怡良巡演【厦门站】

艾怡良巡回演唱会

《不想忘记的名字》

深圳、广州站开卖即售空

冇抢到票嘅fans唔使担心

艾怡良又官宣咗新嘅城市

7月12号厦门站

都在热卖中

快来“可乐生活”官方抖音号

买飞啦

来源：可乐生活Color微信公众号

编辑：张子殷

审核：曾敏妍

签发：骆苹