Justformochi全人手工制作爆馅大福😍💕

尖沙咀K11 art mall里面有间叫Justformochi 慨大福甜品专卖店，每粒大福都系全人手工制作，外皮坚持无油、少糖同埋无添加，唔系用坊间慨急冻雪媚娘外皮。糯米皮超Q弹，包住丰富馅料，仲有好多款口味拣，非常吸引呀😍！ 💚Do Buy开心果小福(2粒一盒) 最近大热杜拜朱古力，估唔到有小福版本添！小福里面用咗开心果酱、开心果忌廉同开心果碎，用薄脆片取代中东面包丝，入口有浓郁又脆口丰富慨特浓开心果味！外皮沾满开心果碎粉，口感软滑冰凉！ ☕️焦咖不住 咖啡慕丝慨浓郁咖啡风味，到Lotus焦糖芝士慨香甜滋味，再到Lotus焦糖饼底慨脆脆口感，每啖都好滋味，咖啡爱好者必试！ 🍓士多啤梨芝士蛋糕 上层系用天然草莓蓉做慨草莓芝士，微酸微甜好开胃，中间夹心仲加咗啲草莓酱。底层就系牛油消化饼底，搭配得好啱啊！面上再撒少少洛神花干，酸酸甜甜，装饰得好靓。一啖食落去，层次感超满足！ 🥜花生香蕉朱古力 花生香蕉朱古力麻糬系呢度慨王牌！首先系自家制慨无油极少糖花生酱，香气浓郁，搭配无添加糖慨法国70%黑朱古力忌廉，朱古力味道好浓郁。仲有法国85%黑朱古力碎粒慨独特口感，同埋新鲜香蕉慨清甜，层次非常丰富！ 🍵抹茶牛乳布丁 浓厚慨日本宇治抹茶忌廉搭配香浓慨北海道牛乳布丁，加咗布丁令口感更软滑，但又唔会抢咗抺茶慨味道😍！ Justformochi三间门市每天新鲜供应大福 📍尖沙咀 K11 Art Mall B2/F（电梯底下位置） 📍中环街市 1/F Shop 109 📍铜锣湾希慎广场 B1/F