早前

翻拍电影《新九品芝麻官》

唔声唔响咁上映

票房惨不忍睹收场

4天日票房仅过千元

再证电影圈铁律

“唔好翻拍周星驰电影”

而“石榴姐”苑琼丹

作为原班人马被“拖落水”

不过剧情高度重复

新演员演技普通

就算有“石榴姐”返场

都帮唔到呢部电影了

苑琼丹近日参加录制

《无限超越班2》

与曾志伟组队

翻拍《唐伯虎点秋香》

邀请“石榴姐”做指导

节目组可谓係用心良苦

但“石榴姐”应该估唔到

此行会被激到出咗套表情包

佢要指导嘅学员中

就有靠卖蠢翻身嘅

“劈腿男星”纪凌尘

观众对佢嘅印象

仲停留喺佢被传出轨嘅时候

对于出轨传闻

佢同前女友阚清子极力否认

最终二人体面分手

而纪凌尘留下“名言”

被网友笑称“大海哥”

佢本来想从模特转型做演员

后续就冇咩水花了

呢次喺节目上

纪凌尘极力澄清传言

仲对评委大吐苦水

希望通过呢次节目翻身

well

事实上又俾佢做到咗

近期佢频频上热搜

靠嘅係“超绝弱智感”

露出一排白牙式嘅“松鼠笑”

以及蠢钝嘅人设

成功引起咗观众嘅注意

喺呢期节目里面

“石榴姐”问佢如何拣角色时

佢竟然回答话

“想演‘宁王’係因为台词少”

激到“石榴姐”翻白眼兼无言以对

即场变成一个表情包

直接叫佢“可以走了”

之后又话

“自己嘅长处係够长”

令曾志伟只好无奈苦笑

话“自己嘅短处係短”来回应

崩口人忌崩口碗

可见佢真系唔识做人

到做睇到成片嘅时候

即使有石榴姐开场

高海宁同佢做对手戏

帮佢奇奇怪怪嘅台词兜底

依然有种

烂泥扶不上壁嘅感觉

纪凌尘演嘅华太师

用嘅係“自信表演法”

五官乱飞、台词突兀

令观众纷纷表示不知所云

//////

反而係后面

几位女演员嘅“扮丑妆”

演员面目全非咁出场

成功抢走了观众的注意力

原来呢啲妆容

都係经过“石榴姐”专业指导嘅

“石榴姐”喺后台手把手教学

并分享之前自己扮丑嘅技巧

开始嘅时候

仲有人放唔低偶像包袱

经过“石榴姐”精心调教

最后个个都变成“鼻青脸肿”

特别係王梓薇深得精髓

//////

睇到女演员嘅变化

网友就忽然醒起

苑琼丹喺走“扮丑”路线之前

都係一个靓女嚟噶~

苑琼丹后来成为谐星

参演嘅大多数係周星驰嘅戏

网友就笑：“星爷毁人形象”

正係因为

佢为角色不顾形象

先贡献咗咁多经典角色

//////

讲返《无限超越班》呢个节目

其实喺节目第一季时

导演尔冬升就翻拍过

周星驰嘅《功夫》

虽然对演员要求严格

但成片就真系令人头痛

呢件事被大家笑评为

“尔冬升最后悔嘅决定”

睇“石榴姐”教扮丑

仲係卓有成效嘅

不过你话要翻拍周星驰嘅戏

差啲演技都唔得

所以我哋都係睇下综艺效果

开心下饭就好了~

来源：可乐生活Color微信公众号

编辑：张子殷

审核：曾敏妍

签发：骆苹