岁末年初

又係大家同过去讲拜拜

准备开始新生活嘅时候

有啲艺人就喺呢个时候

结束自己同旧东家嘅宾主关系

金牌配角李海生

近日宣布自己上个月

就约满离巢啦

讲名大家可能都觉得有啲陌生

但一见到佢标志性嘅光头

大家就会谂起

喺好多电视剧中都有佢嘅身影

特别係日日都会同大家见面嘅

《爱回家之开心速递》

里面经常闯祸、闹笑话、

激到龙家大小姐扎扎跳嘅

“保安部”里面就有李海生份

▓▓▓▓▓▓▓▓▓▓▓░░░░努力加载中……

虽然李海生饰演的角色

一般都得一闪而过嘅镜头

偶尔有啲无关紧要嘅对白

但因为佢光头伯伯嘅形象

令观众对佢都有印象

咪睇李海生依家好似

潺弱老头子咁啊

其实佢係香港先生出身噶

当年参选嘅时候

係好fit嘅肌肉猛男

同之后出炉嘅

袁伟豪、丁子朗等

Mr. HongKong比

李海生更大只有料啰

选完香港先生之后

李海生就入职邵氏

成为一名龙虎武师啦

仲做埋狄龙嘅同门添

因为一身肌肉、光头面恶

佢跻身娱乐圈之后

好多时都扮演反派角色

又因为有功夫底

所以经常都做

武功高强嘅大boss

同成龙、洪金宝等等

功夫片打星经常合作

大家对佢嘅评价都非常高

尽管佢口碑好又有能力

但始终冇上位做主角嘅命水

咁多年亦冇大红大紫

随着年纪渐长

李海生反而变得慈眉善目

所以开始饰演一啲

善良无公害嘅角色

例如大厦看更、

公园伯伯或者病危的老人

喺《降魔的2》里面

佢客串一位孤寡老人嘅亡魂

好多人都赞佢演技好

睇到大家眼湿湿

到咗依家宣布离巢

佢喺TVB就剩翻

《爱回家之开心速递》啦

虽然佢同“保安部”其他

后生靓仔嘅成员相比

确实係辈分&画风都不同

但因为佢表现力好

又冇资深演员包袱

所以观众都几中意佢

//////////

李海生今年已经82岁高龄啦

但精神、状态都好fit

佢话只要自己仲行得喐

就会继续

为影视贡献自己嘅力量

希望以后可以

喺其他影视作品里面

继续睇佢show演技啦~

来源：可乐生活Color微信公众号

编辑：张子殷

审核：曾敏妍

签发：骆苹